Кар иле патшабикәсе - кышкы сәяхәт

«КАР ИЛЕ ПАТШАБИКӘСЕ – КЫШКЫ СӘЯХӘТ»    Һанс Христиан Андерсенның «Кар патшабикәсе»н укымаган, бел- мәгән бала юктыр. Бу – иң танылган әкиятләрнең берсе. Спектакльдә нәни тамашачылар кыю Герда белән бергә  явыз Кар патшабикәсе әсирлегенә эләккән Кайны эзләргә барачак.  Герда күп сынаулар аша узып, үзенең тугрылыгын исбатлый – иң якын кешесен, Кайны, боз хуҗабикәсенең кулыннан коткара. Бу гаҗәеп, серле, кышкы әкият – гаилә белән карау өчен менә дигән тамаша. Ә иң мөһиме, бу спектакль  могҗизаларга ышанып яшәргә өйрәтә.   Яңа ел тамашсы программасында: «Кар иле патшабикәсе – кышкы сәяхәт» әкияте һәм Чыршы тирәли әйлән-бәйлән.